ASSISA et ASSISIA

ASSISA, et ASSISIA

voces recentioribus Scriptoribus crebro usurpatae. Dicuntur autem Assisae Comitia publica, conventus et consessus proborum hominum, a Principe vel Domino feudi electorum, qui pro tribunali ius dicunt, lites dirimunt, de rebus ad Rem publ. spectantibus staruta conficiunt; Malla publica, Placita, quomodo Ε῎δραι Βουλῆς dicuntur Hesychio, Car. du Fresne Glossar. Apud Anglos vero Assisa definitur sessio Iustitiariorum duorum itinerantium cum Iustitiariis Pacis, ut vocantur in Urbe capitali uniuscuiusque Comitatus, bis in anno, ut audiant placita, lites componanr et pro tribunali ius dicant. Peragebantur vero Assisae eiusmodi, ut et alia olim Placita, in locis publicis ac patentibus, veluti ante ianuas Aedium sacrarum, aut in Coemeteriis: atque ad id deligebantur maiores villae et quae populô abundarent, intra Regis aut Domini feudi iurisdictionem, ad maius commodum litigantium. Et quidem in Francia cogebantur, de duobus mehsibus ad duos menses; arque indicebantur a Baillivis et Senescallis, in fine cuiusliber Assisiae; interdum per singulas quindenas fiebant. Foriulam cogendorum in Francia a Ballivo proborum hominum seu vassallorum feudi, qui Assisiis interesle tenebantur, ex veteri Regesto exhibet idem Car. du Fresne d. l. e quibus si quis deesler, pecuniâ mulctabatur etc. Sed et Assisae nomine veniebat, quidquid in Assisiis desinicbatur inter litigantes, quod pro supremo iudicio erat: Maxime vero id, quod statuebatur ad publicum Regni aut vaslassorum omnium commodum. Item breve Regium, quô quis ob certa delicta vel crimina, litesve alias, quarum probatio ex instrumentis incerta eslet, in ius vocabatur: ideo, quia ab Assisa praecipiebatur Vicecomiti, ut 12. iuratores submonerer, qui de rei veritate testimonium ferrent. Neque vero pro brevi solum tali, sed etiam pro ipsa iurata, seu pro ipsorum iuratorum testimoniis, vox usurpata reperitur: quâ notione fuit Assisa vel Magna seu Grandis, vel Parva seu Ordinaria: quarum illa constabat Militibus numerô XII. gladiô cinctis et XII. electis illis adiunctis; ista XII. liberis solum et legalibus hominibus patriae, per Vicecomitem conseriptis, etc. Vide plura have in rem apud Car. du Fresne, ubi supra.